Dünən “MarketinqAzərbaycan” qrupunda və sosyal mediyada “Starbucks”ın Azərbaycan bazarına girməsiylə
bağlı xəbərlər yayıldı və artıq üzərindən qısa müddət keçməsinə baxmayaraq bir
neçə marketer mövzu haqqında bloq da yazıb paylaşdı. Bu postda “Starbucks”ın Azərbaycanda
niyə öz “təyinatına” uyğun istifadə olunmayacağı haqqında fikirlərimi bölüşəcəm.
Söhbəti
uzatmadan keçək mövzuya. Şirkətin tarixi, uğurları, targeti, statistik göstəriciləri
və digər maraqlı faktları haqqında Ramil Cabbarov bu gün öz bloqunda paylaşıb.
Qəhvə
sevər olmadığım üçün dillərə dastan kofenin dadına bir dəfə də olsa baxmaq istəyirdim.
Fikriləşirdim bəlkə dadında qəhvəni mənə sevdirəcək nəsə olacaq. Starbucks-la
ilk tanışlığım İstanbulda 3 il qabaq olmuşdu. Vaxtım az olduğundan sadəcə qəhvəmi
götürüb məkanı tərk eləmişdim. Əsl Starbucks ruhuyla tanış olmaq imkanım
olmamışdı. Sonradan bir neçə xarici ölkədə də internetə çıxış əldə etmək üçün
3-4 dəfə xidmətlərindən istifadə etmişdim. Digər tərəfdən də bir maraq var idi
içimdə ki, axı nədir Startbucks-ı bu qədər məşhur edən və fikrimcə hər bir
marketer olmaq istəyən şəxsin mütləq baş çəkməli olduğu məkanların başında gəlir
İkea, MediaMarkt və s. ilə birlikdə.
Starbucksın
digər ölkələrdə targeti əsasən iş görüşmələri və ya nəyisə müzakirə etmək üçün
yığışan bəyaz yaxalıqlılar və ya dərslərini edən tələbələrdir. Bir neçə saat
sadəcə 1-2 qəhvə götürərək sakit işinizi görə bilərsiniz, heç kim sizi narahat
etməyəcək. Məhz bu səbəbdən də Starbuck məkanları adətən insanların çox olduğu mərkəzi
küçələrdə, alış-veriş mərkəzlərində, universitetlərə yaxın ərazilərdə hətta
universitet kampuslarında yerləşir.
Bəs Azərbaycanda
mənim fikrimcə vəziyyət necə (və niyə fərqli) olacaq?!
- - İlk
öncə qəhvəyə meyilli xalq olmadığımızdan düşünürəm ki, çox azsaylı qəhvəsevərlər
üçün seçim imkanına daha biri artırılacaq.
- - İlk
günlərdə təbii ki, “qlamur” adlanan kəsimin istilasına uğrayacaq, check-inlər,
selfielər və s. havada uçuşacaq. Gözlərinin qurdunu öldürəndən sonra yenidən
qayıdacaqlar köhnə məkanlara.
- - Digər
ölkələrdə adətən iş görənlər və tələbələrin sayının çox olmasından dolayı az da
olsa sakitçilik hökm sürür məkanlarda (istisna hallar da mövcuddur) və insanlar
bir-birlərini narahat etmirlər. Bizdə kafedə yığışıb dərs oxumaq ənənəsi
yerli-dibli olmadığından bir-birləri ilə danışan insanların səsi o “xaricdə
gördüyünüz” Starbucks abu-havasını kobud desək öldürəcək. 1 ilə yaxın bir müddətdir
Budapeştə təhsil alsam da heç zaman gedib kafedə oturub dərslə məşğul
olmamışam, evim daha rahat gəlib. = Yalnızca bir neçə dəfə qrup işləri üçün məcburiyyətdən
kafelərin xidmətindən istifadə etmişəm. Yəni kafedə oturub dərs eliyən və ya
könlündən keçirən bir neçə nəfər varsa da məncə çox sevinməsinlər J
- - Xarici
ölkələrdə ən çox qarşılaşdığımız və adımızın səhv, bəzən çox əcayib formada
kağız stəkanların üzərinə yazılması bizi əyləndirsə də, Bakıda işləyənlər azərbaycanlılar
olduqlarından, bu cür hallardan da məhrum olacağımızı düşünürəm.
Yekun
olaraq düşünürəm ki, Bakıdakı Starbucks digər ölkələrdə olan “istifadə təyinatından”
fərqli formada istifadə olunacaq. Xarici ölkələrdə səyahətdə olarkən və ya təhsil
alarkən Starbucksın xidmətlərindən istifadə edənlər o nostalgiyanı burda əldə
edə bilməyəcək. Ən sonunda vətənə, millətə və “qlamur kəsimə” xeyirli olsun J
No comments:
Post a Comment