Bu günkü yazım online
alış-veriş sistemləri haqqında olacaq. Bəri başdan deyim ki, online
alış-verişin alıcı və satıcılara verdiyi üstünlüklər haqqında internetdə kifayət
qədər məlumat olduğundan yazımda bu məsələlərə toxunmayacam, haqqında yazacağım
istiqamət Azərbaycanda e-ticarətin (ingilis dilində əksər hallarda e-commerce
kimi ifadə olunduğundan, mən də öz dilimizə adaptə edib bu sözü istifadə edəcəm)
ümumi vəziyyəti və Azərbaycan şirkətlərinin niyə “elektronlaşa” bilməməsi
haqqında olacaq. Yəni bir növ adı online olub özü online olmayan alış-veriş
sistemləri barədə. Əslində bu yaxınlarda bu mövzu barəsində dostumuz Həmid öz
bloqunda “Emosiyasız turoperatorlarımız” adlı bir yazı yazmışdı və yazısında Azərbaycandakı
turizm şirkətləri və otellərin online satış sistemləri və saytları haqqında öz
fikirlərini bölüşmüşdü, mənsə bir az daha geniş, bütün bu sahədə olan ümumi vəziyyəti
təsvir etməyə çalışacam.
Başlayaq Azərbaycanda e-ticarətin ümümi vəziyyətindən
ki, burda vəziyyət heç də ürək açan deyil. Bəzi problemlər var ki, bunlar
e-ticarətin inkişaf etməsinin qarşısını alır, bəzi hallarda isə prosesi ləngidir:
- bu sırada ilk gələn məsələ ölkədə genişzolaqlı
(ADSL) internetə çıxışı olan əhalinin sayının ümümi sayın az bir hissəsini (
müxtəlif qaynaqlarda müxtəlif rəqəmlər göstərilir,ona görə dəqiq məlumat verə
bilməyəcəm amma ən az göstərilən rəqəm 15% ən çox isə 50% təşkil edir, 2012ci
il üçün) təşkil etməsidir ki, bu da əsası internet üzərində qoyulan e-ticarət
üçün əsas şərtlərdən biridir. E-ticarətin daha çox inkişaf etdiyi ölkələrin
siyahısında ilk yerlərdə İEÖ (inkişaf etmiş ölkələr) gəlir ki, bu siyahıya eBay və amazon kimi nəhəng e-ticarət saytlarıyla ABŞ başçılıq edir. Və bu İEÖ-də əhalinin 74%-dən
çoxunun (2011) internetə çıxışı var.
Əhalisi internet üzərindən ən çox məhsul və ya xidmət
sifariş edən ölkələrin siyahısı:
- digər məsələ insanlar arasında bank kartlarından
istifadə etmə vərdişlərinin aşağı səviyədə olmasıdır ki, bu prosesi bir az da
sürətləndirən, hələ də normal, təhlükəsiz online ödəmə sistemimizin olmamasıdır.
Dünyada ən təhlükəsiz ödəmə sistemi kimi tanınan PayPal isə bilinməyən səbələrdən Azərbaycan istifadəçilərinə
hələ də, yalnız pul göndərməyə icazə verir, qəbul etməyə isə yox.
Haqqında yazacağım üçüncü məsələ isə e-ticarət saytlarımızın
“elektronlaşa bilməməsidi”, yəni hər sayt açıb, məhsul yerləşdirən və altından
qiymətini yazan sayta peşəkar e-ticarət saytı demək düzgün deyil. Təbii, məsələnin
kökündə internet üzərində satış durur və bunun yeganə peşəkar yolu sayt
açmaqdan keçir amma e-ticarət saytı isminə yiyələnmək üçün bu şirkət-saytlar müəyyən
tələblərə cavab verməlidirlər ki, bu tələblər siyahısının ilk pilləsində qiymət
məsələsi gəlir. Bizdə fəaliyyət göstərən istər “click-only”
(yalnız internet üzərindən satış həyata keçirən şirkətlər), istərsə də “click-and-mortar”
(həm internet üzərindən satış həyata keçirən, həm də mağazadan) saytların
85-90%i qiymət siyasətinə riayət etmir, yəni mağazada və saytda satılan eyni məhsulun
qiyməti az da olsa bir-birindən fərqlənmir. Dünya praktikasında isə adətən e-ticarət
saytlarında satılan məhsul və xidmətlər, mağazalarda satılanlardan 15-25% ucuz
olur ki, bu da insanları həvəsləndirir e-ticarət sistemlərindən istifadə etməyə.
Azərbaycanda bu sahədə az da olsa fərqlənən şirkət Ali & Nino kitab
mağazaları şəbəkəsidir ki, saytdan alınan məhsullara 10% endirim tətbiq edir.
E-ticarət saytlarını “elektronlaşmadan” çıxaran digər
səbəb, bu şirkətlərin poçt sistemindən istifadə etməməsidir. Yəni əksər
hallarda kuryerlərdən istifadə olunur (obyektiv və subyektiv səbəblərdən) məhsulların
çatdırılmasında ki, burada vaxta qənaət olunsa da, çatdırılma qiymətinin baha
olmasına gətirib çıxarır. Əksər şirkətlər mərkəzə yaxın yerlərdə çatdırılmanı 3
azn müqabilində edir, mərkəzdən bir az uzaq olan “Yeni Günəşli” və ya “Qaradağ”
yaşayış massivlərinə 7-10 azn arasında bir qiymət tələb edirlər ki, bu da kifayət
qədər böyük məbləğdir. Bəzi hallarda isə çatdırılma haqqı reallığı əks etdirmir, yəni tələb olunan məbləğ kuryerə ödəniləcək məbləğdən daha çox olur, çatdırılma haqqından da nəsə əlavə gəlir əldə etmək istəyirlər şirkət sahibləri.
Bu sahə dəha yeni yarandığı üçün kifayət qədər çatışmazlıq və problem var amma çalışdım ki, ən əsas məsələlərə toxunum. Yaxın zamanda ən azı bu problemlərin həll olunması ümidi ilə . . .J
Bu sahə dəha yeni yarandığı üçün kifayət qədər çatışmazlıq və problem var amma çalışdım ki, ən əsas məsələlərə toxunum. Yaxın zamanda ən azı bu problemlərin həll olunması ümidi ilə . . .J
No comments:
Post a Comment